Redaktørplakaten på samisk

Her finner du Redaktørplakaten på samisk.

Doaimmaheaddji geatnegasvuođat ja vuoigatvuođat

Doaimmaheaddji galgá álo atnit muittus friddja mediaid iđeála mihttomeriid. Doaimmaheaddji galgá áimmahuššat cealkinfriddjavuođa ja buoremus lági mielde bargat dan ovdii mii su oaivila mielde lea gávdnin servodahkii.

Iežas mediuma bokte galgá doaimmaheaddji ovddidit áššálaš ja friddja diehtojuohkima ja servodatoaiviliid gaskkusteami. Doaimmaheaddji galgá bargat journalistihka ovdii, mii vuostáiváldiide čielgasit earuha reportáša ja dieđuid gaskkusteami media iežas oaiviliin ja árvvoštallamiin.

Doaimmaheaddjis vurdojuvvo alddis leat seamma vuođđooaidnu ja ulbmil go su medias. Muhto dán eavttu siskkobealde galgá doaimmaheaddjis leat friddja ja sorjakeahtes doaimmahusjođiheapmi ja dievas friddjavuohta hábmet media oaiviliid, vaikko dat vel ovttaskas áššiin spiehkastit ge almmuheaddji dahje stivrra oaiviliin. Jus doaimmaheaddji gártá čoavdemeahttumit vuostálaga media vuođđooainnuin, de lea son geatnegas geassádit virggistis. Doaimmaheaddji ii galgga goassege diktit iežas báidnojuvvot čuoččuhit oaiviliid maid ieš ii doarjjo.

Ovddasvástideaddji doaimmaheaddjis lea persovnnalaš ja ollislaš ovddasvástádus media sisdoalu dáfus. Doaimmaheaddji jođiha ja ovddasvástida mielbargiidis doaimmaid, ja lea oamasteaddji/stivrra ja doaimmahuslaš mielbargiid gaskasaš jietnaguoddi. Doaimmaheaddji sáhttá válddi sirdit iežas fápmudusaid vuođul.

Dán julggaštusa leat soahpan Norgga Aviissaid Riikkalihttu (dál Mediaásahusaid Riikkalihttu) ja Norgga Doaimmaheddjiid Lihttu,
goappaš lihtuin dohkkehuvvon golggotmánu 22. beaivvi 1953, rievdaduvvon 1973 ja 2004.

Mediaásahusaid Riikkalihttu Norgga Doaimmaheddjiid Lihttu
________________________ _________________________
Olav Terje Bergo  Marit Haukom