Redaktørplakaten (nordsamisk)

Her finner du Redaktørplakaten på nordsamisk.

Doaimmaheaddji geatnegasvuođat ja vuoigatvuođat

Doaimmaheaddji galgá áimmahuššat sátneluđolašvuođa, preassaluđolašvuođa ja dieđáhusluđolašvuođa. Doaimmaheaddjidagus bokte galgá doaimmaheaddji bargat luđolaš mediaid demokráhtalaš rolla ovddas ja dan ovddas mii su oaivila mielde lea buorrin servodahkii.

Doaimmaheaddjis lea persovnnalaš ja dievas ovddasvástádus media sisdoalus. Doaimmaheaddji galgá áimmahuššat anonymitehtarievtti ja gáldosuoji. Doaimmaheaddji galgá ovddidit luđolaš diehtojuohkima, ja rabas, vuoiggalaš ja duohtavuođa ohcci journalistihka. Lea doaimmaheaddji ovddasvástádus fuolahit, ahte lea čielga earru fáktá ja oaivilsisdoalu gaskkas, ja ahte čielgasit boahtá ovdan mii lea doaimmahuslaš sisdoallu ja mii lea gávppálaš ávnnas.

Doaimmaheaddji galgá leat geatnegas oamasteaddji almmuheaddjivuđđui ja bargat media vuođđooainnu ja ulbmilmearrádusaid mielde. Dán rámá siskkobealde galgá doaimmaheaddjis leat luđolaš ja sorjjasmeahttun doaimmahushovden ja dievas luđolašvuohta hábmet ja mearridit media sisdoalu ja oaiviliid. Eai almmolaš eiseválddit, oamasteaddjit, gávppálaš oassádallit iige oktage eará berošteaddjijoavku sáhte seaguhit iežas dán luđolašvuhtii. Jus doaimmaheaddji šaddá čoavdemeahttun vuostálasvuhtii almmuheaddjivuođuin, de lea son geatnegas geassádit virggistis.

Doaimmaheaddjis lea dievas ovddasvástádus doaimmahusa doaimmain ja son hovde doaimmahuslaš mielbargiid. Doaimmaheaddji dieđiha njuolga almmuheaddjái/stivrii. Doaimmaheaddji lea almmuheaddji/stivrra ovddasteaddji doaimmahussii, ja ovddasta seammás doaimmahusa almmuheaddjái/stivrii. Doaimmaheaddji sáhttá válddi sirdit earáide fápmudusaidis vuođul.

  

Dát julggaštus lea ollašuvvan Mediafitnodagaid (ovddeš Norgga Aviissaid Riikkalihtu) ja Norgga Doaimmaheddjiid Searvvi ovttasbarggu bokte,

ja dan leat goappaš organisašuvnnat mearridan golggotmánu 22. beaivvi 1953, ja rievdadan 1973, 2004 ja 2019.

 Mediafitnodagaid Riikkasearvi                                Norgga Doaimmaheddjiid Searvi

Tove Nedreberg (MRS)                                           Hanna Relling Berg (ND)